Want to Help?
जीवन संजीवन सेवा ट्रस्ट - आनंदाश्रय
आमच्या विश्वात तुमचे स्वागत
आनंदमय आश्रय देण्याचा एक प्रयत्न. आश्रय कुणाला तर या विशाल जगात ज्यांना कुणीच वाली नाही अशांना. वाली नाही असे म्हणण्यापेक्षा ज्यांच्या घरच्यांनी, समाजाने ज्यांना नाकारले अशांना. जे आयुष्यभर कबाडकष्ट करून आयुष्याच्या संध्याकाळी पार थकून गेले व निर्धन, निराधार आहेत. ज्यांची काळजी घेणारे हक्काचे असे या जगात कुणीच नाही.
आजच्या धकाधकीच्या जीवनात जीथे जीवलगांना आपल्यासाठी वेळ नाही तीथे समाजात स्वतःची मुले किंवा नातेवाईक नसलेल्या निराधार व्यक्तीला कोण विचारणार. निर्धन म्हातारपण व तशातच येणारे शारीरिक आजार, मानसिक कमकुवतपणा. कल्पना करा अशी व्यक्ती कशा प्रकारे जगत असते. जगत असते कि मरणाची वाट पाहत असते.
पण अशा सगळ्यांना आता आधार आहे तो आनंदाश्रयचा. इथे फक्त अन्न, वस्त्र, निवाराच नव्हे तर वैद्यकीय उपचारासमवेत मायेचे शब्दही आहेत. अणावच्या परबकाकांच्या संकल्पनेतून हे अनमोल समाजकार्य घडत आहे. गेली पाच वर्षे परबकाका त्यांच्या सहकार्‍यांसोबत कुठलाही गाजावाजा न करता हे कार्य करीत आहेत. मित्राच्या भाड्याच्या जागेत सुरू कलेले हे सत्कार्य आता वाढू लागले आहे. सिंधुदुर्ग जिल्ह्य़ातील काही मान्यवर विश्वस्त म्हणून सोबत आल्याने तांत्रिकता व औपचारिकता म्हणून या सत्कार्याने आता नवीन नाव धारण केले आहे पण माया तीच. आनंदाश्रयमध्ये निराधारांना जिव्हाळ्याचे कौटुंबिक जीवन देण्याचा एक उपक्रम आणि तोही आजीवन. अगदी अंतिम संस्कार होईपर्यंतची निरपेक्ष सोबत.
भाड्याच्या जागेतून मालकीच्या जागेत जाण्यासाठी आपणही ह्या सत्कार्यात सहभागी व्हावे. नवीन जागेत क्षमता वाढवणे, दवाखाना, जगण्याचा उत्साह वाढवणारे उपक्रम राबवणे असे अनेक उद्देश आहेत. यासाठी आर्थिक मदतीची तातडीने गरज आहे.
आनंदाश्रयातील कार्यक्रम
आनंदाश्रयातील आजोबांचा झाला वाढदिवस साजरा
आनंदाश्रयातील आजोबांचा वाढदिवस साजरा करताना राणे कुटुंबीय व त्यांच्या लहान मुलांनी या आजी-आजोबांसोबत गाणी सादर केली. सगळीकडे स्वतंत्र दिन साजरा होत असताना या लहान मुलांनी आईबाबां सोबत आनंदाश्रयाच्या आजोबांचा केक कापून वाढदिवस साजरा केला. आनंदाश्रयच्या या पक्षाघाताने आजारी आजोबांसाठी हा नातवंडांसोबतचा वाढदिवस सोहळा स्वर्गीय आनंद सोहळा होता. आणि तो त्यांनी आनंदाश्रुसहित अडखळत्या आवाजात व्यक्त केला.
आनंदाश्रयातील कार्यक्रम
आनंदाश्रय मध्ये सादर केला दशावतार नाट्य प्रयोग.
शरीराने थकलेल्या आजी आजोबाना आश्रमातच मनोरंजन व्हावं म्हणून हा दशावतार नाट्य प्रयोग सादर केला. आनंदी जीवनासाठी तनमनाला लागणा-या गोष्टी उपलब्ध करून देण्याचा प्रयत्न.
आनंदाश्रयातील कार्यक्रम
मालवणी ग्रुपच्या मुलांचा अनोखा उपक्रम
आजोबांना रक्षाबंधन करताना मालवणी ग्रुपची मुलगी. समाजात राखी पौर्णिमेचा सण साजरा होत असताना आनंदाश्रयातील उपेक्षित आजी आजोबांची आठवण ठेऊन या मुली रक्षाबंधनाचा सण साजरा करण्यासाठी आनंदाश्रयात आल्या.व आजी आजोबांना राख्खा बांधून व तोंड गोड करून आम्ही आपल्या सोबत आहोत याची ग्वाही दिली. आनंदाश्रयात असेच सर्व सण समाजातील कोणीनाकोणी येऊन साजरे करतात.
आनंदाश्रयातील कार्यक्रम
वृक्ष लागवड कार्यक्रम
१ जुलै २०१६ कोटी वृक्ष लागवड कार्यक्रमात जिल्हाधिकारी उदय चौधरी आनंदाश्रयच्या आवारात नारळ रोप लावताना सोबत सावंतवाडी मेडिकल असोसिएशन व डॉक्टर्स फैतार्निती. या निमित्ताने जिल्हाधिकारी उदय चौधरी यांनी आनंदाश्रयाच्या सेवाकार्याची माहिती जाणून घेतली व आजी आजोबांशी सावंद साधला. उत्तरउत्तरार्धातल्या या आजी आजोबासाठी चाललेल्या सेवा कार्याचे कौतुक करीत आनंदाश्रय सेवाश्रमाला पुन्हा एखदा सवडीने भेट देऊन मदत करीन असे आश्वासन दिले.या वेळी केइएम हॉस्पिटल मुंबईच्या निवृत्त मेट्रन श्रीम वैशाली गावडे उपस्थित राहिल्या व आनंदाश्रयच्या परिचारिकांना मार्गदर्शन केले.
